慳錢我有計！

自小爸爸媽媽已教我阿錢賺錢辛苦，不要做大花筒，應使得使。我都想慳錢，但作為一個年青人，上網購物、睇戲食飯、打機唱K、旅行放閃都好重要，樣樣都要錢，一個不小心就很容易就會「使大咗」。為了實現開餐廳的夢想，我要努力慳錢，努力儲錢！

阿錢「使大咗」的原因？

第一位: 上網購物，基本上對減價沒有抵制力，尤其是潮流電子產品

第二位: 睇戲/唱K/食飯/飲嘢，每星期跟班Friends見面都有豐富節目

第三位: 每天去咖啡店買杯咖啡，已經成為亞錢的指定動作

前幾日我開始堅決實行以下的慳錢大計，還用了錢家有道的「削減開支計算機」，看看有什麼開支可以慳。這個計算機好易用，只需幾個步驟就OK！我計過，如果每日飲少杯咖啡，原來一年都差不多慳到8千元㗎！正所謂 「長期糧尾，好長手尾」，不如大家都都試下用啦！

1. 訂立消費先後次序，減少不必要支出，例如減少去咖啡店；
2. 上網購物容易上癮，所以我暫時把購物Apps刪除，避免經常心思思想買東西；
3. 買東西時必須想清楚是需要還是想要，追潮流買新款電子產品更加可免則免；
4. 真的見到很想買的東西，待一兩天才決定是否購買，衝動過後可能發覺自己並不是十分喜歡這東西；
5. 聯誼活動不需要逢請必到，亦可以建議朋友多作一些又好玩又經濟的活動，例如行山；
6. 每類開支削減5-10%，小數怕長計，每類減一點，已經可以慳到不少。