最近我阿錢經常陪阿媽深宵煲韓劇,劇中的夫婦回到過去,他們最終會作出不一樣的選擇嗎?此劇在網絡引起不少討論:究竟人生能有沒有遺憾嗎?如果時光倒流,如何作出更好的決定?
我問阿媽是否有後悔的事情,「嫁了你阿爸!只是講笑。人生總有不如預期的時刻,你可能會後悔當初沒有做得更好。不過,與其後悔,倒不如向前看,時光不等人,不想人生有遺憾,就要一步一步努力實現自己的目標。」
近4成人後悔「使大咗」
講到實現目標,最近有調查發現,近六成香港成年人後悔上年的理財表現,使大咗、冇投資同冇跟預算是最令他們最後悔的事。比較其他年齡層,90後最不滿意自己的財務狀況,有些更經常要用積蓄去應付出糧前的使費。
我都是90後,眼見有些師兄師姐畢業後出來打工,一出糧又要還grant loan,又要養家,如果成日出街玩或者shopping,份糧好多時唔夠使,好難有錢剩。
不過,就算我將來畢業出來工作時,人工不會多,都要堅持儲錢。正所謂「做人沒有理想,和鹹魚有咩分別!」我的理想就是開餐廳,我不是富二代可以「靠父幹」,要實現這個理想並不簡單,但莫欺少年窮,不努力嘗試,又怎知會否成功?
要有理想,不做鹹魚!
如果你好似阿錢,不想做鹹魚,希望一步一步實踐自己的理財大計,「錢家有道」的理財工具及流動應用程式可以幫你更有計劃地管理個人財務。不過,堅持下去的決心,就要靠你自己了。