你今日課咗金未?

後生仔金錢管理
消費

試問有邊個打機的未試過課金?每個人都需要消費娛樂,睇戲要比錢買飛、食飯要比錢埋單、去旅行都要買機票及住酒店,打機課金亦是同樣道理。

打機作為一種娛樂,對減壓或消遣有一定的幫助。但課金與其他消費一樣,若不妥善控制慾望,便可能會上癮,成為課長,愈課愈多,甚至超出自己負擔能力。所以遊戲玩家最重要是保持理性,正所謂課定唔課,或者是課多少,都係諗清楚先好課!

控制課金貼士幫到你:

  1. 控制打機時限及有節制課金:設定每月課金上限,使用投委會收支管家App (IOS | Android),記錄課金支出,嚴格遵守上限金額。

  2. 重要事情講3次:切勿借錢課金、切勿借錢課金、切勿借錢課金,包括碌卡!

  3. 勿以信用卡綁定遊戲帳戶。以增值卡代替信用卡付款,避免衝動課金。

  4. 「抽獎」前諗一諗:抽獎玩法可能用固定機率計算「中獎率」,所以即使多次課金,「中獎率」也只會稍稍提高。

  5. 留意數據用量:某些手遊需要網絡連線同定位功能,導致數據使用量增加,產生額外費用。

  6. 保留交易記錄:課金時記得保存重要資料如交易憑據,假如課金後仍未升級或買到道具,都可保障自己。

除了遊戲課金外,一些專業的硬件設備例如主機、鍵盤、滑鼠、耳機等等亦可以花很多錢。大家要懂得適可而止,才可以真正享受遊戲帶來的快樂。如果發現對課金或遊戲設備消費缺乏自制能力,甚至有上癮跡象,應尋求家人、朋友或社工協助。

 

2020年3月18日